Herbst - Waldschnägg

Direkt zum Seiteninhalt

Hauptmenü:

Herbst

Lieder/Verse

...im Herbscht

Jetzt falled d’Blettli wieder

Jetzt falled d’Blettli wieder, de Summer isch verbii.
Und d’Schwälbli flüüged alli furt, mir wüssed nöd wohii.
Und läär sind alli Fälder und d’Blüämli schlafed bald.
Und schtillä wird’s im ganzä Land und einsam schtaht dä Wald.
Kän Summervogel tanzed, es isch scho chalt und rau.
Und d’Sunnä hät en Schleier aa, vo Näbel dick und grau.
Läb wohl, Du schönä Summer, Du söttisch nonig gah.
Wänn D’über’s Jahr dänn wieder chunnsch, dänn simmer alli froh!

Näbeltuech

S Näbeltuech liit uf dä Schtrass,
Macht eim d’Haar und d’Baggä nass.
Näbel, wo isch üses Huus,
säg mer’s, ich chum nümmä druus.
Wo isch au dä Wald hii cho?
Näbel, häsch en Du üs gnoh?
Gang, Du graue Näbelmaa,
tuen üs d’Sunnä fürälah!
Wo isch ächt de Igel hii?
Isch doch immer umä xi!
Tüüf, im warmä Laub verschteckt!
Warted, bis ihn d’Sunnä weckt!


 
Zurück zum Seiteninhalt | Zurück zum Hauptmenü